د چارچووڤەیێ پەرەپێدانا شیانێن قوتابیان و پێشکێشکرنا دەلیڤەیێن زێدەتر بۆ سەرئێخستنا پرۆسا خواندنێ، سەنتەرێ پەرەپێدانا کاری ل زانکۆیا زاخۆ سمینارەکا گرنگ بۆ قوتابیان پێشکێش کر.
د ڤی سمیناری دا، کو ب ئاماده‌بوونا ڕێزدار (پ.هـ.د. رمضان  جعفر مصطفی) هاریکارێ سەرۆکێ زانکۆیێ بۆ کاروبارێن قوتابیان و (م. لاوند اکرام محمد) ڕێڤەبەرێ سەنتەرێ پەرەپێدانا کاری و (د. نێچیرڤان حسن جوزل) سەرۆکێ پشکا زمانێ ئینگلیزی و ژمارەیەکا مامۆستا و قوتابیان بڕێڤەچوو، تێدا ڕوونکرنێن بەرفره‌هـ ل سەر دەلیڤەیێن خواندنا ماستەر و دکتۆرایێ ژ دەرڤەی وەلاتی و سکۆلەرشیپێن بەلاش هاتنە دان.
هەروەسا د سمینارێ دا ڕۆناهی ئێخستە سەر هەمی ڕێکار، مەرج، پێدڤی و پەیج و مالپەرێن فەرمی یێن پێشکێشکرنێ، دا کو قوتابی ب شێوەیەکێ دروست و زانستی ئاگەهداربن و مفای ژ دەلیڤەیێن بەردەست وەربگرن. د پشکەکا دی دا، دەرگەهێ گەنگەشێ و پسیار و بەرسڤان بۆ قوتابیان هاتە ڤەکرن و بەرسڤا هەمی پرسیارێن وان هاتە دان.
هەژیە بێژین سمینار ژلایێ بەرێز (منور صبحي ابراهيم) ڤە هاتە پێشکێشکرن و ل دوماهیێ ژلایێ هاریکارێ سەرۆکێ زانکۆیێ ڕێز و سوپاسی ئاراستەیی پێشکێشکارێ سمینارێ هاتە کرن ژ بۆ ڤێ بابەتا گرنگ و مفادار.